14:24 21 мая 2024 г.
Чăваш Республикин Вĕренӳ министерстви Чăваш Республикин вĕренӳ институчĕпе пĕрле шкулчченхи вĕренӳ организацийĕсене çӳрекен ачасен «Хунав» фестивальне ирттерчĕ.
Конкурс тĕллевĕ ачасене мĕн пĕчĕкренех тăван халăхăн йăли-йĕркине, чăваш пуплевĕн илемне, çепĕçлĕхне туйма вĕрентесси пулчĕ. Кунсăр пуçне министерство ачасем хăйсем мĕнле çĕр-шыв гражданинĕ пулнине ăнланса илме май паракан тĕп компетенцисене аталантарас тĕллев те лартрĕ.
Конкурса Чăваш Республикин вĕренÿ институчĕ йĕркелесе пычĕ.
Фестивалĕн республика тапхăрне 25 муниципалитетран «Илемлĕ – чăваш юрри», «Асамлă юмах тĕнчи», «Янра, сăввăм, хыттăнрах» номинацисемпе пурĕ 72 видеосюжет пулчĕ.
Кунашкал фестивале шкулчченхи вĕренÿ организацийĕсен ачисем хутшăнни пысăк пĕлтерĕшлĕ. Ачасем чăваш сассисене çăмăллăн калама пултарни, текста аван пĕлни савăнтарать.
«Асамлă юмах тĕнчи» («Волшебный мир сказок») номинацинче Тӑвай районĕнчи Тӑвайри «Асамат кĕперĕ» шкулчченхи вĕренÿ учрежденийĕнчи ачасен ушкӑне «Кам кӗнӗ пахчана?» репертуарпа призёр, «Илемлĕ чăваш юрри» («Красива и звучна чувашская песня») номинацинче «Асамат кĕперĕ» юрӑпа призёр ятне илме тивĕçлĕ пулчĕç (ертÿçисем – Ольга Андреева, Марина Петрова, Вероника Грибова).
Фестивале хутшăнакансене пурне те тав тăватпăр, малалла та çитĕнýсем тума сунатпӑр.
Отдел образования администрации Янтиковского муниципального округа Чувашской Республики