22:11 17 февраля 2014 г.
Çак кунсенче Сочи хулинчи Олимпиадăна хутшăнакан Раççей спортсменĕсене вăй кӳрес, пулăшас тĕллевпе эпир вĕсемпе пĕр шухăшлă пулнине кăтартма, хамăр сывлăха çирĕплетме, ача-пăчана та сывă пурнăç йĕркине хăнăхтарма, нарăс уйăхĕн 15-мĕшĕнче, Енĕш Нăрвашра «Улыпиада» спорт уявĕ иртрĕ.
«Улыпиада» уҫăлнӑ саманта ял-йыш шкул умне кам çунашкапа, кам йӗлтӗрпе пуçтарăнчӗ. Шкул ачисем ялти клуб умĕнче тĕрлĕ вăйăсем вылярĕҫ. Вара пурте пĕрле «Шăрчăк кассине» тăвайккине ярăнма кайрĕç.
Савăнăçлă кулă нумайччен янрарĕ çырмара. «Улыпиада» спорт уявĕ пурне те питĕ килĕшрĕ.
Енĕш Нăрваш ял поселени администрацийӗ спорт уявне хутшăннăшăн ял халăхне тав тăвать. Уйрăмах Енĕш Нăрвашри информаципе культура центрĕн ĕçченĕсене тата «Тӗпел» клубăн членӗсене.
Яншихово-Норвашский территориальный отдел