11:23 30 июля 2013 г.
Раççейре çулсеренех табак туртнипе çыхăннă чирсене пула 300–400 пин çын вилет. Туртни, хăв туртмасан та, чĕлĕмçĕсен сĕрĕмĕпе сывлани рак пулас хăрушлăха – 20 хут, чĕрепе юн тымарĕсен чирне 25–35 процент ÿстерет. Ÿпке чирĕсемпе вилекенсен 90 ытла проценчĕ пирус мăкăрлантарнă.
Табакри никотин чи хăрушă наркăмăшсенчен пĕри. Çерçи е кăвакарчăн сăмси патне никотинпа йĕпетнĕ патак илсе пырсанах вăл вилет. Кролика пурнăçран уйрăлма никотин тумламĕн пĕрре тăваттăмĕш пайĕ кăна кирлĕ, йытта – çур тумлам. Çынна – 50–100 мг е 2–3 тумлам. Кунне 20–25 сигарет туртакансен юнне шăпах çакăн чухлĕ доза лекет те. Чĕлĕмçĕ 30 çул хушшинче 20000 сигарет е 160 кг табак туртать, вăтамран 800 г никотин çăтать. Çапла майпа табака пула çулсеренех тĕнчере 5 миллион ытла çын пурнăçпа сывпуллашать.
Табак сĕрĕмĕнче 7 пин ытла хими веществи, вĕсенчен 250-шĕ сывлăхшăн хăрушă шутланать, 70 ытларахăшĕ вара рак пуçарма пултарать.
Яншихово-Норвашский территориальный отдел