15:36 24 апреля 2013 г.
«Вĕренекен чăвашла вулатăр… Халăхăн ăс-тăнĕпе унăн мĕн пур тĕнче курăмне тăван чĕлхе чун парать. Тăван чĕлхесĕр чăн-чăн пĕлӳ çук…». Ҫак Иван Яковлев сăмахĕсене тĕпе хурса эпир паян чăваш халăхне çутта кăларнă аслă вĕрентекенĕмĕре халалласа шкул ачисемпе мероприяти ирттертĕмĕр. Малтанах Н.Е Димитриева библиотекарь «Иван Яковлев - Аслă вĕрентекенĕмĕр» кĕнеке выставкипе палллаштарчĕ. Иван Яковлев чăваш халăхĕ валли çырнă Халалĕнче чĕнсе каланине ачасем тимлĕн итлесе ларчĕç.
Мультимедиа хатĕрĕсемпе усă курнăран мероприяти интереслĕ те витĕмлĕ иртрĕ.
Аслă вĕрентекенĕмĕрĕн çутă сăнарĕ, пархатарлă ĕçĕ яланах хисепре пулĕ.
Яншихово-Норвашский территориальный отдел