00:00 03 января 2012 г.
Турикас Тушкил клубĕнче Çĕнĕ Çул каçĕ иртрĕ. Уява ял халăхĕ самай пухăнчĕ.
Çĕнĕ Çул чăрăшĕ курма пынисене хаваслăх самай кӳчĕ. Культура ĕçченĕсем хăйсем те ăна интереслĕ ирттерес тĕлĕшпе нумай тăрăшрĕç — ятарлă тумсем çĕлерĕç, уяв программине хатĕрлеме хутшăнчĕç. Çĕнĕ Çул чăрăшĕн иккĕмĕш çурринче вара дискотека пулчĕ — ял халăхĕ юрă-ташăпа киленчĕ.
Çĕнĕ Çул каçне ирттерсе яма Моряков А.Н., Селиванов И.П., Павлова Т.В. предпринимательсем, Тăвай районĕн депутачĕ - Орлова С.П., «Шимкусский» ял-хуçалăх ертŷçи - Алексеев Ю.А. пулашрĕç.