00:00 10 апреля 2008 г.
Кĕнеке пĕлỹ çăлкуçĕ пулни никамшăн та вăрттăнлăх мар. Хальхи вăхăтра кĕнеке урлă анчах мар, ытти майсемпе те пĕлỹ илме пулать. Анчах та кĕнекене çитекенни çук. Нумай çĕннине вĕрентет вăл, таçти çĕршыва та илсе çитерет. Çуркуннехи каникул вăхăтĕнче ача-пăча кĕнекисен эрнине ир-ттересси йăлана кĕнĕ. Çавна май Тăрăм ял библиотекинче "Йыхă-рать хаваслăн кĕнеке эрни", "Юмах тĕнчинче", "Çĕнĕ кĕнекесем- ачасене", "Обо всем на свете" ятсемпе куравсем йĕркеленĕ. Кĕнеке эрнинче "Нарспи" - чăваш литературин палăкĕ" ятпа тематикăлла каç иртрĕ. Ăна поэма 100 çул тултарнине халалланă. Тематикăлла каçа Тăрăм ял библиотекарĕ Л.Тимофеева "Нарспи" вăл - чăваш поэзии çăлкуçĕ" куравпа паллаштарнипе уçрĕ. Тăрăм шкулĕнче вĕренекенсем "Нарспи" поэмăри сыпăксене спектакль лартса пачĕç. Поэта, унăн сăввисене кăмăллакансем паллă çыннăн пур-нăçĕпе пултарулăхĕ çинчен, сăввисене каласа куракансене савăн-тарчĕç.