10:32 17 июня 2019 г.
Тӑрӑм ял поселенийӗнче ултӑ ялта 7 масар, вӗсенчен Анатри Тимешре иккӗ. Унсӑр пуҫне Хӗрлӗ Ҫыр ялӗнче Чӑваш наци конгресӗн хастарӗсем тӑрӑшнипе ХV11-ХV111 ӗмӗрсенчи чул юпасене ҫӗнетнӗ. Ҫак «Кивӗ масара» чаваш патшалӑхӗ сыхлать.
Тӑрӑм ял поселенийӗн администарцийӗ ҫак масарсен лаптӑкӗсене виҫтернӗ, регистрации витӗр тухнӑ. Тӑрӑмра тата Тӑрмӑшра масар лаптакӗсене виҫсе пысӑклатнӑ.
Поселени администарцийӗнче ялсенчи масарсем ҫинче пытарнисене шута илсе пыраҫҫӗ, 2014 ҫулхи 4-мӗш постановленипе килӗшÿллӗн «Журнал захоронений» ҫырӑнса пырать. Сӑмахран, кӑҫал 6 ялта 13 ҫынна пытарнӑ.
Кашни ҫулах масарсем ҫинче май –июнь пуҫламӑшӗнче субботниксем иртеҫҫӗ. Ĕҫе еркелесе яракнсем- ял старостисем: Кириллов В.В., Соловьева В.В., Петрова Л.В., Александров О.В., Сергеева Е.А. Ку ӗҫе пур ялта та хастар хутшӑнаҫҫӗ. Анатри Тимешре кашни ҫул масар юписене шуратсах тӑраҫҫӗ, ҫӗнӗ масар ҫинче 7 ҫул каялла лартнӑ чӑрӑшсем ҫÿллӗ ÿссе кайнӑ. Тарӑмри пысӑклатнӑ масар ҫине те хырпа чӑрӑшсем лартнӑ. Ҫак йывӑҫсене ахаль суйласа илмен: пур масар ҫинче те вӗрене асса кайнӑ, кашни ҫулах касса тӑратпӑр пулин те, вӗрене питӗ хӑвӑрт ӗрчесе каять. Тип Тимешре виҫӗмҫул вӗренесене тӗпрен кӑкланӑччӗ, анчах усси ҫук, ҫу каҫиччен 3-4 метр ҫÿллӗш пулса кайрӗҫ.
Юлашки 5 ҫул хушшинче пур ялта та масар алӑкӗсене улӑштарнӑ: Хӗрлӗ Ҫыр, Тӑрмӑш, Тип Тимеш ялӗсенче кованый алӑксем вырнаҫтарнӑ. Палӑртса хӑварас пулать, Тӑрмӑшра тата Тип Тимешре уйрӑм ҫынсем- Кузнецов Вячеслав Александрович тата Карпов Юрий Михайлович тӑрӑшнӑ, Хӗрлӗ Ҫырта ял ҫыннисем пӗрлехи вӑйпа тунӑ.
Анатри Тимешре, Хӗрлӗ Ҫырта тата Тӑрмӑшра масар картисене веҫех тӗпрен улӑштарнӑ.
Сабанчинский территориальный отдел Яльчикского муниципального округа