00:00 25 апреля 2012 г.
Чăвашсен çĕр пин сăмах, çĕр пин юрă, çĕр пин тĕрĕ.
И.Я.Яковлев.
Паян, ака уйǎхĕн 25-мĕшĕнче Елчĕк районĕнчи Курнавǎш ял библиотекинче пĕтĕмĕшле пĕлÿ паракан вǎтам шкулта вĕренекенсем пулчĕç. «Аслǎ Вĕрентекенĕмĕр» презентацине пăхса, И.Я. Яковлев пурнǎçĕпе пултарулǎхĕ тата унǎн хайлавĕсем çинчен тĕплĕн паллашрĕç.
Раиса Горшкова библиотекарь ертсе пынипе ачасем «Янра чĕлхем, хăватлăн» конкурса хутшăнса илемлĕ сăвăсем вуларĕç, тĕрлĕ ыйтусем çине хуравларĕç. Женя Мясникова, Настя Круглова, Настя Григорьева, Настя Гладкова сăввисем пурин кăмăлне те кайрĕç, Аня Смирнова илемлĕ юрăпа савăнтарчĕ.