Новости » 16:00_ Пурин те кăмăл савăк

00:00 11 марта 2010 г.

Елчĕк районĕнчи Яманчурелсем увсене йĕркелеме пĕлеççĕ. Акă, пушăн 8-мĕшĕнче культура çуртне халăх йышлăн пуçтарăнчĕ. Чи малтанах шкул ачисем Пĕтĕм тĕнчери хĕрарăмсен кунĕ ячĕпе концерт лартрĕç, унтан вăйăсем пуçланчĕç. Хуçалăх команди вĕрен туртса та, футболла выляса та çамрăксене çĕнтерчĕ. Хĕрарăмсем вара михĕпе чупнă чухне пикесенчен правуртарах пулчĕç. Хĕрсем каччăсемпе футболла вылянă вăхăтра хапхана хыт сыхларĕç, "юттине" икĕ мечĕк тапса кĕртрĕç. Ялти купăсçă, Александр Матвеев тракторист алă вăй виçсе те, кире пуканĕ çĕклесе те салтакран килнĕ çамрăксене парăнтарчĕ. Вăйăсем вĕçленсен арçынсем хĕрарăмсене юрăпа саламларĕç.

ФОТОХРОНИКА