10:15 01 мая 2021 г.
Тăван çĕршыв ирĕкĕпе никама пăхăнманлăхĕшĕн пынă хаяр вăрçă тăватă çул кĕрленĕ. Этемлĕх историйĕшĕн вара çак тăватă çул – нихçан та асран тухман вăхăт. Фашизм пирӗн ҫӗршыва мӗн чухлӗ хурлӑх, асап кӳни чылай ҫул иртсен те манӑҫмасть.
Аслӑ Елчӗкри Г.Н.Волков ячӗллӗ пӗтӗмӗшле пӗлÿ паракан вӑтам шкулти 5–мӗш класра вӗренекенсем тӑван литература урокӗнче Ольга Туркай ҫырнӑ «Пахчари ҫӗмӗрт» лирикӑллӑ новеллипе паллашрӗҫ. Хайлава вуланӑ май ачасем кашни киле хуйхă, çухату, ырату, куççуль еплерех килнине туйма пултарчӗҫ.
Кӑҫал Аслӑ Ҫӗнтерӳ пулнӑранпа 76 ҫул ҫитрӗ. Асӑннӑ урок паттӑрлӑхпа Ҫӗнтерÿ кунне халалласа ытти чухнехинчен урӑхларах иртрӗ.
Вăрҫă – этемлĕхĕн чи хăрушă тăшманĕ. Вăл пĕр шеллемесĕр, нимĕнле саккуна, йĕркене пăхăнмасăр ҫын пурнăçне вăхăтсăр татнӑ.
Ҫак урока тӗпе хурса, ачасем те хӑйсен мӑн аслашшӗсем ҫинчен тӗпчесе, вӗсем ҫинчен мӑнаҫланса каласа пама пултарчӗҫ.
«Вăрçă никама та, ниме те хĕрхенмест çав. Манăҫмаҫҫĕ вăрҫă кунĕсем, ҫухалмаҫҫĕ паттăрсен ячĕсем. Тек нихăҫан та этемлĕхшĕн вăрҫăллă, ҫухатуллă, йывăр кунсем ан пулччăр. Çухату, ырату мĕнне пĕлмелле ан пултăрччĕ пирĕн!», – ҫапларах пӗтӗмлетÿ турӑмӑр урока вӗҫленӗ май.
Видео https://www.youtube.com/watch?v=-08IHfmeFJg
Большеяльчикский территориальный отдел Яльчикского муниципального округа
Первоисточник: МБОУ "Большеяльчикская СОШ им.Г.Н.Волкова" Яльчикского района