15:38 26 ноября 2020 г.
Чăваш Республикин Пуçлăхĕ çирĕплетнĕ указпа килĕшÿллĕн паян, чÿк уйăхĕн 26-мĕшĕнче, Чăваш тĕррин кунне уявлатпăр. Çак кун 1914 çулта паллă тĕрĕ художникĕ Екатерина Ефремова çуралнă. Вăл халăх искусствине аталантарас тĕлĕшпе нумай вăй хунă, Чăваш Енре тĕрлес йăла-йĕркене сыхласа хăварас енĕпе ырми-канми тăрăшнă.
Паянхи уява халалласа Аслӑ Елчӗкри Г.Н. Волков ячӗллӗ пӗтӗмӗшле пӗлÿ паракан вӑтам шкулти вулавӑшра та ăста урокӗ иртрӗ. Вулавӑш ертÿҫи, Любовь Германовна Адюкова 5-мӗш класс ачисене чӑваш тӗррин тӗсесӗмпе тата вӑрттӑнлӑхӗсемпе паллаштарчӗ, чӑваш тӗррине паянхи тӗнчепе ҫыхӑнтарса, унăн сумне ҫÿлти шайра тытса пыма сӗнчӗ.
Ҫак каҫӑпа кӗрсе курма пултаратӑр: https://youtu.be/U0PtuXMe_L8
Большеяльчикский территориальный отдел Яльчикского муниципального округа