Новости » Черетлĕ çитĕнÿ

 Вĕрентÿ институтĕнче «Халăх шкулĕ» 2013-мĕш çулта ирттернĕ «Педагокика добра: край чувашский» (чăв. Ырлăх педагогики: чăваш ен) фотоконкурс çĕнтерÿçисене чысларĕç. Институтăн 1-мĕш этажĕнче чи лайăх ĕçсен фотокуравне йĕркеленĕ. Пухăннисем вĕсемпе хаваспах паллашрĕç.

Хăнасем умĕнче вĕрентÿ институчĕн ректорĕ Е.В.Казакова, институт проректорĕ А.Р. Кульева, «Халăх шкулĕ» тĕп редакторĕ А.В. Волкова, Красноармейски районĕнче фотокружок ертсе пыракан И.П. Матвеев, фотоконкурс жюри председателĕ А.С. Абрамов, И.С. Клочков фотограф тата ыттисем саламларĕç. Аслă Елчĕкри Г.Н.Волков ячĕпе хисепленсе тăракан пĕтĕмĕшле пĕлÿ паракан вăтам шкултан çак конкурса Адюкова Л.Г. хутшăнчĕ. Вăл I степеньлĕ диплом илме тивĕçлĕ пулчĕ. Чун-чĕререн саламлатпăр!