00:00 13 апреля 2012 г.
Автор: Малова Г.И.
Ака уйăхĕн 11–мĕшĕнче ачасене çĕр-шывĕпе чапа тухнă паллă çынсемпе паллаштарас, тавра курăмне аталантарас тĕллевпе Елчĕкри ачасемпе çамрăксен пултарулăх çуртĕнче наци культурин „Туслăх хĕлхемĕ” республика фестивалĕн районти тапхăрĕн „Чăвашлăх тĕнчи” тĕпчев ĕçĕпе мультимеди презентацийĕсен конкурсĕ иртрĕ.Унта 7-9-мĕш классенче вĕренекенсен виçĕ темăран пĕрне суйласа илсе çакăн пек ĕçсем тăратмалла пулнă: 1. „Халăх сăмахлăхĕнче сăнланнă историлĕх”; 2. „Степан Максимовпа Федор Павлов – чăвашсен пирвайхи композиторĕсем”; 3. „Н.И.Ильминскипе В.К.Магницкий” – халăхсене çутта кăларакансем”.
Конкурса Чăваш Тăрăмĕнчи пĕтĕмĕшле пĕлÿ паракан тĕп шкулта 8-мĕш класра вĕренекен Малова Анастасия хутшăнчĕ (ертÿçи Малова Галина Ивановна, чăваш чĕлхипе литературине вĕрентекен). Вăл „Халăх сăмахлăхĕнче сăнланнă историлĕх” номинацире 1-мĕш вырăн йышăнчĕ. Унăн тĕпчев ĕçĕпе мультимеди презентацине ака уйăхĕн 17-мĕшчен республика шайĕнче иртекен конкурса тăратма тивет. Ăна çĕнтернĕ ятпа саламлатпăр, малалла та пысăк ăнăçусем сунатпăр!