13:46 19 мая 2014 г.
Çу уйăхĕнче Чăваш патшалăх пукане театрĕнче çамрăк корреспонтсен 1-мĕш слечĕ иртрĕ. Слета тĕрлĕ районтан çĕре яхāн çамрāк çыравçā пухāнчĕ. Вĕсен шутĕнче Палтайри вāтам шкулāн 9-мĕш класĕнче вĕренекен Сергей Серебряковпа Сергей Петров та (ертÿçи - Надежда Серебрякова). Ку мероприятие пултаруллă яш-кĕрĕме хавхалантарас тĕллевпе «Хыпар» издательство çурчĕ йеркелерĕ.
Чи малтан çамрăк журналистсене «Хыпар» издательство çурчĕн директорĕ - тĕп редакторĕ Алексей Леонтьев саламларĕ. Çырас пултарулāха малалла аталантарса пыма ыйтрĕ, вāхāт тупса килнĕшĕн тав турĕ.
Чăваш Республикин Информаци политикин тата массăллă коммуникацисен министрĕ Валентина Андреева хāйĕн салам сāмахĕнче: «Чăваш чĕлхин пуласлăхĕ – сирĕнте», - тесе палāртрĕ, āнāçу сунчĕ.
«Тантāш», «Самант», «Çамрāксен хаçачĕ», «Советская Чувашия» хаçатра вāй хуракансем те хаçат-журнал тĕнчипе паллаштарчĕç, тĕрлĕ конкурсра çĕнтерÿçи ята тивĕçнисене чысларĕç.
Издательство çурчĕ ача-пăча каларăмĕсемпе тачă çыхăну тытакан авторсене тав хучĕсемпе парнесем парса чысларĕ. «Тантăш», «Çамрăксен хаçачĕ», «Самант» тата «Тетте» редакцийĕсен тĕп редакторĕсем яш-кӗрӗм валли мастер-классем ирттерчĕҫ. Палтай шкулĕнчи çамрǎк корреспондентсем Владимир Степанов ертсе пынипе «Самант» журнал йĕркеленĕ мастер-класра хǎйсен журанлстикǎри пĕлĕвĕпе палǎрчĕç. Мастер-класс залив хĕрринче иртни те хǎйне май илĕртÿллĕ пулчĕ.
Юлашкинчен пухāннисене Чăваш патшалăх пукане театрĕн артисчĕсем спектакль кāтартрĕç.
Слета пухāннисем тулли кāмāлпа тāван ялĕсене таврāнса хаçат-журнал валли çĕнĕ материал çырма хавхаланчĕç.
Персирланский ТО