14:12 09 марта 2016 г.
Мартӑн ҫиччӗмӗшӗнче Килтӗш ял клубӗнче «Айтӑр-ха, асаннесемпе кукамайсем!» конкурс иртрӗ. Ăна В.Андреева клуб заведующийĕ йĕркелерĕ, вăлах ертсе пычĕ. Савăнăçлă мероприятие Валентина Викторова, Тамара Архипова, Ольга Ельцова, Римма Кузьмина тата Маргарита Шатаева хутшăнчĕç. Вĕсем тĕрлĕ ыйту çине хуравларĕç, хăйсен пултарулăхĕпе паллаштарчĕç. Кашниех хăй мĕн пултарнине халăх патне çитерме тăрăшрĕ. Уйрӑмах пурне те «Тава тивĕҫлĕ тракторист» шӳт килĕшрĕ. Вĕсене юрласа, ташласа пулăшакансем те пулчĕç.
Асаннесене саламлама сцена ҫине ачасем те тухрĕҫ. Вĕсем те юрӑпалла, ташӑпалла асаннесене саламларĕҫ.
Конкурсантсем килĕсенчен хăйсем пĕçернĕ апат-çимĕçе илсе килнĕ. Ку киле панă хăйне евĕрлĕ ĕç пулчĕ.
Номинацисенче çĕнтернисене асăнмалăх парнесемпе тата дипломсемпе чысларĕç.
Кильдишевское сельское поселение Ядринского района