00:00 15 февраля 2013 г.
Нарăсăн 14 мĕшĕнче Йÿçпан клубĕнче Юратакансен кунĕ ячĕпе тĕлпулу иртрĕ. Ирина Васильева, клуб заведующийĕ, пуçтарăннисене уяв ячĕпе саламларĕ, ырлăх-сывлăх, телей, çемьере юратупа килĕшÿ сунчĕ.
Малалла пуçтарăннисемпе тĕрлĕ конкурссем йĕркелерĕç: савнисем патне çыру çырчĕç, шÿтлĕ ыйтусем çине хуравларĕç, сăвăсем шăрçаларĕç, паллă Валентинăсене аса илчĕç.
Юлашкинчен çавра сĕтел хушшинче юрату çинчен юрăсем шăрантарчĕç, чей ĕçрĕç. Кану каçĕ пурне те питĕ килĕшрĕ.