00:00 11 июня 2011 г.
Акатуйĕ кĕр кĕрлет,
Çÿлте хĕвел тĕр тĕрлет,
Сапать ылтăн шевлине
Çунат сарнă çĕр çине.
Çĕртме уйăхĕн 11-мĕшĕнче Килтĕш ял тăрăхĕнче Акатуй уявĕ иртрĕ. Пухăннă ял çыннисене, хăнасене саламласа ял тăрăхĕн пуçлăхĕ Алексеев Н.В., Етĕрне район пуçлăхĕн çумĕ Ефремов Л.А. уява уçрĕç. Çурхи ака ĕçĕсене аван пĕтернĕ ятпа «Дружба» хуçалăх ертÿçи ĕçре чи хастаррисене саламласа парнесем пачĕ. Вĕсене халалласа илемлĕ юрăсем янăрарĕç. Пухăннă халăха савăнтарма Шупашкарти артистсем тата Çĕмĕрле районĕнчи Вăрманкас-Тăван ялĕнчи пултарулăх ушкăнĕ килсе çитрĕç.
Ачасене валли уявра карусель, батут, тĕрлĕ пылак çимĕç пулчĕ. Çамрăксем тĕрлĕ спорт ăмăртăвĕсенче тупăшрĕç. Хаваслă уяв пурне те килĕшрĕ.