14:42 25 апреля 2018 г.
Илемлӗ, илемлӗ, илемлӗ чӑваш пики
Илемлӗ чӑваш пики те, сӑпайлӑ пулсан кӑна.
Паян, ака уйӑхӗн 25-мӗшӗ – Чӑваш чӗлхи кунӗ. Турханти ял вулавӑшӗче «Пĕчĕк Чăваш пики» конкурс иртрӗ. Кунта тӗрлӗ классенчен 4 хӗр ача хутшӑнчӗҫ: Макаркина Юлианна (Турхан ялӗ), Миронова Мария (Пӗренеш ялӗ) , Назарова Дана (Тӑванкас ялӗ ) тата Николаева Марианна(Турхан ялӗ). Пикесем хӑйсене тӗрлӗ енчен кӑтартса пачӗҫ: «Паллашӑр, ку эпӗ»,«Пӗлетӗр-и эсир», «Манӑн пултарулӑх».
Малтанах пикесем хӑйсемпе паллаштарчӗҫ, хӑйсен пултарулӑхӗпе тата тавҫӑруллӑхӗпе савӑнтарчӗҫ. Ҫавӑн пекех вӗсем чӑваш чӗлхипе культурине аван пӗлнине те уҫса пачӗҫ. Чӑваш хӗрӗсем хӑйсен тыткаларӑшӗпе, чун-чӗре илемлӗхӗпе жюри членӗсене кӑна мар, куракансене те чӑн-чӑн уяв туса пама пултарчӗҫ.
Пурте пултаруллӑ, тавҫӑруллӑ. Жюри членӗсем Макаркина Юлианна «Чи маттурри», Миронова Мария «Чи хастарри», Назарова Дана «Чи хавасли», Николаева Марианна «Чи пултарулли» номинацисенче ҫӗнтернине палӑртрӗ.
Туванское сельское поселение Шумерлинского района