08:34 28 января 2022 г.
Паваркаси ял вулавãшĕ çак тĕлпулупа «Мухтавлã ентешсен» çулталãкне пуçларĕ. Пирĕн патра хãнара Чãваш халãх поэчĕ, телейлĕ çын Валерий Тургай пулчĕ. Вãл хãйĕн пурнãçĕпе, ĕçĕ–хĕлĕпе паллаштарчĕ. Хãйĕн калаçãвĕнче пурнãçра каçару ыйтма, каçарма, тав тума вĕренмеллине палãртса хãварчĕ. Пултаруллã поэт шкул тата Паваркасинчи ял вулавãшĕсене хãй çырнã тата куçарнã сãвãсен кĕнекисене парнелерĕ. Кирек мĕнле сãвва та илемлĕ те хавхалануллã вулама вĕрентсе мастер – класс ирттерчĕ. Музей экспоначĕсемпе паллашнã май: «Пысãк мар пулсан та - чаплã та пуян музей», - тесе каларĕ. Паваркасси шкулĕнче вĕренекенсем 8-мĕш класс ачисем, Туркайãн сãввисене вуларĕç. Сãвãсем сãнарлãх енĕпе те, сãмах пуянлãхĕпе те пысãк вырãн йышãнса тãнине палãртрĕç, тата библиотекарь Николаева Альбина вулавãшра «Валерий Тургай - патриот чувашского народа» кĕнеке куравĕпе паллаштарчĕ.
Поваркасинское сельское поселение Цивильского района