16:03 25 января 2019 г.
Тайăр Тимкки ҫуралнăранпа 130 ҫул ҫитнĕ ҫĕре кăрлачăн 25-мĕшĕнче Кĕçĕн Шетмĕ вулавăшĕнче «Революци ҫулăмĕпе туптаннă поэт» информаци сехечĕ иртрĕ. Ачасене унăн ĕҫĕ-хĕлĕпе ялти вулавăш ĕҫченĕ Алина Сергеева тĕплĕн паллаштарчĕ.
«Сӑввисенчи ирĕклĕхпе пĕртанлӑх теми кивелмест. Кĕвĕленĕ сӑмахсен хӑватне шанса, пусмӑра хирĕç кĕрешĕве тухнӑ сӑвӑçӑн ĕçĕсем яланах халӑх асĕнче», - терĕ чăваш чĕлхи вĕрентекенĕ Ирина Козлова. Вăл «Шухăш» сăвăна ачасене вуласа пачĕ.
Унӑн ятне çӱле çĕклес ĕçре ентешĕ Константин Петров пысӑк пай кĕртнĕ. Тайӑр Тимкки пултарулӑхне сарас тĕлĕшпе Николай Дворов-Шемексем поэт сулмаклӑ ĕçсем туса пырать. Тайӑр Тимккин сӑнарĕ унӑн сӑввисенче те анлӑ вырӑн йышӑнать. Ҫамрӑк ӑру Тайӑр Тимкки сӑвӑçа пĕлмеллех.
Исаковское сельское поселение Красноармейского района