08:47 06 ноября 2018 г.
Уçланкăри палан, шап-шурă çурăлсан,
Эпир сăмах парсаччĕ санпалан.
Кĕрхи кунсем çитсен, паланăмăр пиçсен,
Эс таврăнма пулсаччĕ аякран.
Çак юрăпа пуçланчĕ искусствă каçĕ чÿк уйăхĕн 4-мĕшĕнче Кĕçĕн Шетмĕ салинчи Элли Юрьев ячĕллĕ музей-картина галерейĕнче. Килнĕ хăнасем Раиса Андреева юрăçăн клипĕпе пĕрле юрларĕç. Музей ĕçченĕ Валентина Николаева пурне те халăх поэчĕ Юрий Сементер «Уçланкăри палан» юрă мĕнле çуралнă аса-илĕвĕпе паллаштарчĕ.
Пĕрлĕх кунĕнче музея килнĕ çынсем палан çинчен юрăсем, «Калина красная» кинофильмри хăшпĕр самантсене курчĕç, илĕртÿллĕ палан ÿкерчĕкĕсемпа киленчĕç. Валентина Михайловна палан мĕнпе сиплине тата ăна хĕлле мĕнле упрамаллине каласа пачĕ. Искусство каçĕ çавра сĕтел хушшинче вĕçленчĕ.
Исаковское сельское поселение Красноармейского района