00:00 05 мая 2012 г.
Хисеплĕ вăрçăпа ĕç ветеранĕсем, хĕрарăм-фронтовиксем, салтак арăмĕсем, вăрçă ачисем, хаклă çыннăмăрсем!
Сире пĕтĕм халăх уявĕпе - Аслă Çĕнтерỹ кунĕпе хĕрỹллĕн саламлатăп. Çак кун савăнăçпа куççуль уявĕ. Вăл пире таса мирлĕ тỹпе парнелерĕ, ирĕклĕ çĕршывра пурăнса ĕçлеме, ачасене ỹстерме май туса пачĕ. Çакăншăн эпир çĕршыв хỹтĕлевçисене, юхăннă хуçалăха ура çине тăратакансене тав тăватпăр, вĕсен умĕнче пуç таятпăр. Тăшмана хирĕç çапăçса хăюлăхпа паттăрлăх кăтартнă, çапăçу хирĕсенче пуçĕсене хунă ентешсене мухтатпăр. Çĕнтерỹ кунĕпе саламласа сире пурне çирĕп сывлăх, ăнăçу, вăрăм кун-çул, мирлĕ пурнăç сунатăп.
Хирти Сĕнтĕр ял тăрахĕн пуçлăхĕ Г.Е.Ефремов