09:52 10 сентября 2013 г.
Туçари Новиковсене – маттур ача çитĕнтерсе, Тăван çĕршыва юрăхлă çын пулма воспитани панăшăн тав туса. Вĕсен Алеша ывăлĕ А.Ф. Можайский ячĕллĕ Санкт-Петербургри космос академине вĕренме кĕнĕ.
Нева çинчи хула тăван пекех
Сире кĕтсе илсе чыс турĕ мар-и?
Чăваш ачи мĕнле маттур иккен:
Вăл вырăсран пĕрре кая юлмарĕ.
Вăл академин сумлă алăкне
Яри туртса уçса кĕме пултарчĕ,
Çĕклерĕ тăван халахăн ятне,
Ун чис-сумне хĕвел пек ялкăштарчĕ.
Татах та çĕклĕ вăл çĕршыв чапне,
Район чысне те хăпартма вăй тупĕ.
Манса çÿремĕ-ха Чăваш Ене,-
Тăван республика ăна ал çупĕ.
Туçа каччийĕ - Новиков Алюш
Çут тĕнчере пурришĕн савăнатăп.
Ун ячĕпе парас тесе салют,
Пĕве хĕрне ал-хапăлах анатăп!
Мухтав сире, çак ывăла савса
Ÿстернĕ ашшĕне те амăшне.
Шур пуçăма сăпайлăн çеç тайса,
Эп çырас терĕм ку йĕркесене.
Геннадий Кузнецов – поэт-журналист Йĕпреç посăлокĕ, 2013-мĕш çулхи авăн уйăхĕн 3-мĕшĕ.
Климовский территориальный отдел администрации Ибресинского муниципального округа