Новости » Кӗнеке куравӗ "Литературӑллӑ Чӑваш Ен"

14:25 30 марта 2023 г.

Оригинал

     Чӑваш Республикинче ҫулсерен "Литературӑллӑ Чӑваш Ен: ҫулталӑкри​ чи вуланакан кӗнеке" фестиваль-конкурс иртет. Унӑн​ тӗллевӗ — ҫынсене кӗнеке​ вулама явӑҫтарасси. Кӑҫал 2022 ҫулта кӑларнӑ художествӑллӑ​ литература хайлавӗсем конкурса хутшӑнаҫҫӗ. Ҫак фестиваль йӗркелӳҫисем​ —Чӑваш Республикинчи​ Наци библиотеки,​ Профессиллӗ писательсен Союзӗ тата Чӑваш кӗнеке издательстви. Ку конкурсра ҫакӑн пек номинацисем палӑртнӑ : "Чи лайӑх наука кӗнеки", "Чи лайӑх вӗренӳ кӑларӑмӗ"; "Чи лайӑх тӑван ен ҫинчен ҫырнӑ кӗнеке"; "Илемлӗ прозӑн чи лайӑх кӗнеки"; "Чи лайӑх поэзи кӗнеки"; "Ачасемпе ҫамрӑксем валли хатӗрленӗ чи лайӑх кӗнеке"; "Чи нумай вуланакан кӗнеке"; "Илемлӗ литературӑн чи лайӑх кӗнеки ".
​ ​  ​ ​Сителти вулавӑш пункчӗнче конкурс-фестивале хутшӑнса "Литературӑллӑ Чӑваш Ен: ҫулталӑкри чи вуланакан кӗнеке" курав йӗркеленӗ. Унта иртнӗ ҫул пичетленсе тухнӑ чӑваш авторӗсен "ҫимӗҫӗсене" тӑратнӑ.​ ​ ​ ​ ​ ​
​ ​ ​ ​  Вулакансене пурне те куравпа паллашма, кӑмӑла кайнӑ кӗнекешӗн сасӑлама чӗнетпӗр. Чи килӗшнине илсе вулама сӗнетпӗр!

Первомайское сельское поселение Батыревского района