20:30 12 апреля 2022 г.
Апрелӗн 12-мӗшӗ Раҫҫейшӗн пӗлтерӗшлӗ кун. 1961 çулхине тӗнче историйӗнче пӗрремӗш хут космоса Юрий Гагарин парăнтарнă. Ҫавна пулах çак куна авиаципе космонавтика уявӗ тесе палӑртнӑ.
Чăвашсемшӗн ку уявра мăнаçланмалли тепӗр сăлтав пур. Тӗнче уҫлӑхне вӗҫсе тухнисенчен виҫҫӗмӗшӗ пирӗн ентеш – Андриян Николаев.
Ҫак паллӑ пулӑма уявласа, хамӑрӑн паттӑрпа мӑнаҫланса Сител клубӗпе библиотекинче ӗҫлекенсем "Тӗнче уҫлӑхӗн ытамӗнче" квест-вӑйӑ ирттерчӗҫ. Унта вӑтам тата кӗҫӗн классенчи ӑс пухакан ачасем хутшӑнма кӑмӑл турӗҫ. Вӗсем икӗ ушкӑна пайланса тӗрлӗ конкурссенче ӑмӑртрӗҫ.
Квест-вӑйӑра шкул ачисем тӗрлӗ станцисене ҫитсе хӑйсен пултарулӑхне кӑтартрӗҫ. Икӗ ушкӑн та яланхи пекех маттур пулнине тепӗр хуччен ҫирӗплетрӗ. Вӗсем ҫак уявра паллӑ космонавтсемпе тӗнче уҫлӑхӗнче мӗнлерех планетасем пурри пирки тӗплӗн каласа ӑнлантарчӗҫ.
Ҫавӑн пекех ӑмӑртакансем пазлсем пухма ӑста пулнине те кӑтартса пачӗҫ.
Мероприяти вӗҫӗнче ачасем кашни тӗнче уҫлӑхне парӑнтарнӑ Раҫҫей космонавтчӗсен ячӗпе виҫӗ тӗспе хӗмленекен шарсене тӳпенелле вӗҫтерчӗҫ. Вӗсен паттӑрла ӗҫӗ ӗмӗр халӑх асра пултӑр терӗҫ.
Космонавтика кунӗнчи уява Ирина Лякова культорганизаторпа Оксана Хомуткина библиотекарь ачасен тавра курӑмӗ анлӑлантӑр, вӗсен патриотлӑх туйӑмӗ устӗр тесе йӗркелерӗҫ. Культура ӗҫченӗсем ирттернӗ мероприяти тепӗр тӗллевӗ - пӗчӗккисем хамӑрӑн паттӑр ентешсем паллаштарасси, вӗсене ачасен асӑнче хӑварасси пулчӗ.
Первомайское сельское поселение Батыревского района