14:25 20 февраля 2022 г.
Сител вулавӑш пункчӗнче ҫыравҫӑ, куҫаруҫӑ, журналист, общество деятелӗ, чӑваш халӑх поэчӗ П. В. Афанасьев творчестви тӑрӑх "Пултарулӑх ҫӑлкуҫӗ" литература кӑтартӑвӗ йӗркелерӗҫ. Ӑна вӑл çуралнăранпа 80 ҫул ҫитнине тата Чӑваш Республикинче паллӑ ҫынсен ҫулталӑкне халалларӗҫ. Порфирий Васильевич – Чӑваш Республикин Патшалӑх премийӗн лауреачӗ, Раҫҫей писателӗсен союзӗн членӗ, Чӑваш Республикин искусствӑсен тава тивӗҫлӗ ӗҫченӗ тата Ҫеҫпӗл Мишши, Ф. Карим, И.Я. Яковлев ячӗллӗ премисен лауреачӗ.
Порфирий Афанасьев поэзире, прозăра, драматургире, куçару жанрĕнче ăнăçлă ĕçлет. Унӑн кĕнекисем: «Чун çути», «Сан ятупа», «Хĕвел хапхи», «Тав», «Каҫхи кӑвайт», «Писатели Чувашии» тата ыттисем те халӑх хушшинче анлӑн сарӑлнӑ. Вулавӑш ӗҫченӗ Оксана Хомуткина пухӑннисене Порфирий Афанасьев пурнӑҫӗпе, унӑн хайлавӗсепе паллаштарчӗ, унӑн сӑввисем тӑрӑх чӑваш композиторӗсем чылай юрӑ кӗвӗленине палӑртрӗ. Ҫав шутра Григорий Хирбю, Анисим Асламас, Филипп Лукин, Юрий Кудаков, Геннадий Максимов тата ытти композиторсем. Самах май, 2009 ҫулхи раштав уйӑхӗн 24-мӗшӗнче Шупашкар хулин гимне ҫирӗплетнӗ, сӑмахӗсен авторӗ - Порфирий Афанасьев, кӗвви Филипп Лукинӑн.
Малалла мероприятире Сител клубӗн культорганизаторӗ Ирина Лякова поэтӑн "Тӑван ялӑм", "Юратӑр тӗнчене" сӑввисене вуларӗ. Уява хутшӑннӑ хӑнасем П.В. Афанасьев пурнăçĕпе пултарулăхне халалланă «Сӑмах ӑсти - Порфирий Афанасьев» куравпа та паллашрӗҫ. Унӑн кӗнекисемпе нумайӑшӗ чунтан киленсе вуласа паллашрӗҫ.