20:57 09 февраля 2022 г.

Оригинал

    Пурнăç ҫулӗ кашнийӗшӗн тӗрлӗрен такӑрланать. Сителте кун кунлакан Людмила Пудовкинӑран та хăй утса тухнă ĕмĕрĕ пирки ыйтсассӑн пурнӑҫ тӑвасси кӗрӗк арки йӑваласси мар тесе çирĕплетет. Чăнах та çак кунсенче 80 çул тултарнă хĕрарăмăн пулни иртнине аса илмелли пайтах.

   Сумлă юбилейпе Люҫҫа аппана Аслӑ Арапуҫ ял тӑрӑхӗн пуҫлӑхӗ Владимир Федоров саламласа кӗреш юман пек ҫирӗп сывлӑх, тулӑх пурнӑҫ, тулли телей, ҫӑлкуҫ пек тапса тӑракан вӑй-хӑват сунчӗ. Хуйхӑ-суйхӑ унран аякран пӑрӑнса ирттӗр, ӗмӗтӳсем пурнӑҫӑ кӗрсе пыччӗр тесе каларӗ. Ырлăх-сывлăх, тулли телей, канлĕ ватлăх, тăванĕсемпе савăнса та килĕштерсе пурăнмалла пултӑр терӗ.

   Людмила Пудовкина мĕн ĕмĕр тăршшĕпех тӑван ялшӑн вăй хунă. Ăна тăрăшса ĕçленĕшĕн чылай хисеплĕ ятсем парса чысланă.

   Ялта сумлă та хисеплĕ Люҫҫа аппа халĕ ывӑлӗн ҫемьипе савӑнса пурӑнать. Вĕсем ырă та ăшă сăмахсем каласа ватăн чунне лăплантараççĕ, малалла пурăнма вăй-хал параççĕ.

Первомайское сельское поселение Батыревского района