08:40 08 января 2022 г.

Оригинал

 Ҫӗнӗ ҫул тата Раштав

Тӗлӗнтермӗш уявсем

Часах уҫӑлать чаршав

Хӑнара халь артистсем.

  Ҫапла, кӑрлачӑн ҫиччӗмӗшӗнче Сителти клуба вырӑнти артистсемпе куракансем савӑк кӑмӑлпа пуҫтарӑнчӗҫ. Вĕсем хĕллехи сивве пăхмасăр Раштав каҫне килме май тупрĕç. Маттур та пултаруллӑскерсене ялти вулавăш ертÿçи Оксана Хомуткинапа Ирина Лякова культорганизатор Раштав ячĕпе чун-чĕререн ăшшăн саламларĕҫ, малашне те пĕрле килĕштерсе вăй хума, ҫулталӑка тулли пурнӑҫпа тата савӑк кӑмӑлпа ирттерме сунчĕҫ.      

  Уява культура ӗҫченсем вырӑссен паллӑ "Морозко" ятлӑ юмахӗн юхӑмӗпе йӗркелерӗҫ. Ялти артистсемпе куракансем ҫак произведенири Марфушкӑн кӑмӑлне ҫемҫетес тесе савӑнтарма тӑрӑшрӗҫ. Кахал хӗре юрас тесе пĕрле савăнса юрăсем шăрантарчĕç, ташăсем ташларĕç, вăйăсем вылярĕç. Раштав каҫӗнче тĕрлĕ тум тăхăннă геройсем те пулчӗҫ. Вĕсем хăйсен пултарулӑхӗпе куракансене ҫеҫ мар хӑнана ҫитнӗ Хӗл Мучипе Юр Пикене те тĕлĕнтерчĕç, пӗрле юрлаттарса ташлатарчӗҫ.  

   Уяв сӳрӗк кӑмӑллӑ Марфушка ырӑ енне улшӑннине, хӑй те ыттисем пек яланах маттур пулма шантарса пӗрле юрӑсем шӑрантарнипе вӗҫленчӗ.

Первомайское сельское поселение Батыревского района