13:12 31 декабря 2021 г.
Шак! Шаккать ак Ҫӗнӗ ҫул,
Кӗтсе илме хатӗр пул.
Тигр ҫулӗ килтӗрех,
Кӑмӑл пултӑр ҫӳллӗрех!!!
Чӑннипех кӗҫех Ҫӗнӗ Ҫул ҫитет. Ӑна пурте чунтан кӗтеҫҫӗ. Уява чаплăн, кăсăклăн кĕтсе илме тăрăшаççĕ.
Акă Сителти клубра та çак кун ячĕпе ачасем валли уяв йӗркелерӗҫ.. Унта шăпăрлансем çеç мар, вĕсен пултарулăхĕпе курса савăнма аслисем те чылайăн пуçтарăнчĕç. Ачасене культура ӗҫченӗсем чӑн малтанах Калтун карчӑк Хӗл хуҫине вӑрласа уява пӑсни пирки юмахласа кӑтартса пачӗҫ. Уявра шӑпӑрлансем тӗрлӗ вӑйӑсем вылярӗҫ. Пултаруллӑскерсем куракансене савӑк юрӑсемпе, ҫӗнӗ ҫул ташшисемпе саламларӗҫ.
Пурте пĕлетпĕр ĕнтĕ, çĕнĕ çулти чи кĕтнĕ хăнисем – Хĕл Мучипе илĕртÿллĕ Юр Пике. Вĕсем уявран уява çÿресе пурне те саламлаççĕ, тĕрлĕ парнесем параççĕ, пылак кучченеçсемпе сăйлаççĕ. Сителти уява та çак асамçăсем килме хапӑл турӗҫ. Вӗсем ачасемпе пĕрле савăнчĕç, тĕрлĕ хитре тум тăхăннисене, сăвă каласа тĕлĕнтернĕ шăпăрлансене парнесемсĕр хăвармарĕç. Уява килнисене çĕнĕ çул ячĕпе саламларĕç, телейлĕ те сывлăхлă пулма пиллерĕç
Первомайское сельское поселение Батыревского района