08:38 02 октября 2021 г.

Оригинал

Йывăç лартсан сад çитĕнет                                                                                                                                                                                            Уй-хир пулсан тырпул ÿсет.                                                                                                                                                                                        Ватти пулсан йĕрке пулать,                                                                                                                                                                                  Ваттипеле пурнăç пулать.                                                                                                                                                                                            Чăнах та аслă ÿсĕмри юлташăмăрсем пирĕн çумра пулни чи хаклă мул. Вĕсен ăшă кăмăлĕ, ырă канашĕсем пире пурнăçра пĕрмаях пулăшса пыраççĕ. Çак таса чунлă асатте-асаннесемпе кукаçи-кукамайсене хисеплесе юпа уйăхĕн пĕрремĕшĕнче ваттисен кунне паллă тăваççĕ.  

  Сител ялĕнче те ку уява кашнинчех ирттерме тăрăшаççĕ. Кăçал аслисене хисеплесе Ирина Лякова кульорганизаторпа Оксана Хомуткина библиотекарь килрен киле çÿресе саламларĕç. Вĕсем пурне те ăшă та чуна çывăх ырă сăмахсемпе канлĕ ватлăх, çирĕп сывлăх, çемьере юрату, килĕшÿ сунчĕç. Кашнинех ятарласа хăйсем ăсталанă открытка тата асăнмалăх парне пачĕç.  

   Аслă Арапуç ял тăрăхĕнче Тăван çĕршывăн Аслă вăрçине хутшăннисенчен пĕр ветеран пурăнать. Вăл Сителти 99 çулти Василий Федорович Ляков. Ваттисен кунĕпе ăна Патăрьел районĕн депутатсен Пухăвĕн депутачĕ Юрий Степанов саламларĕ. Вăл Василий Федоровича юман пек çирĕп сывлăх сунчĕ, чаплă парнепе, кучченеçсемпе савăнтарчĕ.    

Первомайское сельское поселение Батыревского района