Новости » Янрарĕ юрă ян та ян!

08:55 22 июня 2021 г.

Оригинал

Çимĕк çитсен çамрăксем                                                                                                                                             

 Вăййа тухнă çулсерен.                                                                                                                               

Çитмĕл çичĕ тĕспеле                                                                                                                                 

Çиçекен çаран çине.

   Çимĕк – чăвашсен авалхи уявĕ. Ăна Мăнкун иртсен аллă кунтан паллă тăваççĕ. Унчченхи вăхăтсенче çак кун пуçласа çамрăксем уçланкăна вăййа тухнă.

    Сител ялĕнчи пултаруллă хĕрсем те ĕлĕххи йăлана упраса хăварас шутпа клуб таврашĕнче вăйă карти йĕркелерĕç. Илемлĕ те хитре чăваш тумĕллĕ пикесем асатте-асаннесем шăрантарнă юрăсене ял çийĕн янраттарчĕç. Такмаксем каласа акăш евĕр ташласа чунĕсене кантарчĕç.

    Сителсем ырă йăлана йăхран йăха сыхласа хăварма тăрăшаççĕ. Акă вĕсем шăрантарнă юрăсем ĕмĕр каяллах упранса юлнисем. Хăватлă та асра юлмаллискерсем шăпчăк сасси пекех илемлĕн те уççăн янăрарĕç. Таврара инçете-инçете сапаланчĕç.

Первомайское сельское поселение Батыревского района