17:40 01 августа 2017 г.
2017 çулхи августăн 1-мĕшĕнче пултаруллă ертỹçĕ, ĕçпе вăрçă ветеранĕ, Ишлĕре пурăннă Николай Владимирович Зверев 94 çула кайса вилнĕ.
Николай Владимирович 1924 çулхи декабрĕн 14-мĕшĕнче Шетмĕре (халĕ Ишлĕ) çуралнă. Инçет Хĕвелтухăçĕнче службăра пулнă. Яла таврăнсан Первомайски райком партийĕнче инструкторта тăрăшнă. Каярахпа вăйпитти çамрăка колхоза куçарнă: 24 çул хушши "Маяк" колхозра председатель пулса ĕçленĕ. Çавăн пекех виçĕ çул ял Советне ертсе пынă.
Ĕçри çитĕнỹсемшĕн Ĕçлĕх Хĕрлĕ ялав тата икĕ хутчен "Хисеп палли" орденсене тивĕçнĕ.
Николай Владимировичăн çутă сăнарĕ пирĕн чĕресенче яланах упранĕ.
Батыревский район Чувашской Республики