00:00 02 марта 2012 г.
Н.А. Исмуков Ишлĕ шкулĕнче 5 çула яхăн ĕçленĕ.
Н.А. Исмуков – философи наукисен докторĕ, профессор, ЧР патшалăх премийĕн лауреачĕ 1942 çулхи пуш уйăхĕн 2- мĕшĕнче Патăрьел районĕнчи Аслă Арапуçĕнче çуралнă.
А.М. Горький ячĕллĕ Урал патшалăх университетĕнче, В.И. Ленин ячĕллĕ МППИ философии кафедринче аспирантурăра тата докторантурăра вĕреннĕ. 1993 çултан пуçласа Шупашкарти кооператив институчĕн философипе политологи кафедрин пуçлăхĕ тата товароведении факультет деканĕ.
«Çулне хăшне суйласси, чăнах та, хамăртан сахал килет пулĕ … Малтанах физкультура учителĕнче ĕçлерĕм. Патăрьел районĕнчи Аслă Чемен, Ишлĕ- Шетмĕ шкулĕсенче ĕçленине халĕ те ăшшăн аса илетĕп. Митта Ваçлейĕ калашле- çамрăк пулнă, шухăшсăр çÿренĕ, такăрлатнă çав ялсен урамне …
Писатель ĕçĕ- ĕмĕрлĕх, пĕлетпĕр,
Ǎсчах сăмахĕ- арчари укçа.
Çÿрер- и, Николай Аверкич, тепĕр
Çур ĕмĕр ытларах пуçа ухса.