06 мая 2021 г.
Тăван çĕр-шывăн аслă вăрçи пĕтнĕренпе 76 çул çитрĕ. Шел пулин те, вăрçа хутшăннă çынсен йышĕ çулран-çул чакса пырать. Ярмушка ял тăрăхĕнчи Пуканкасси ялĕнче те Анисимов Виктор Анисимович çеç тăрса юлчĕ, халĕ вăл 94 çулта. Вăрнар район, Ярмушка ял администрацинчен Виктор Анисимовича Çĕнтерÿ кунĕпе саламлама çитсе килчĕç, ăшă сăмахсем каларĕҫ, ҫирĕп сывлăх, вăрăм кун-ҫул сунчĕҫ, парне пачĕҫ. Виктор Анисимович ывăлĕн ҫемьипе пурăнать, мăнукĕсемпе йăпанать, кил-таврашĕнчи ĕҫсенче пулăшма тăрăшать. Вăрçă вăхăтне аса илме йывăртарах ăна. Тăнăç пурнăçпа пурăннишĕн чунтан савăнать, кашни çутă куншăн Турра тав тăвать. Саламлама пынисене Виктор Анисимович телей, сывлăх, çутă малашлăх сунса пил пачĕ.