Редакцин мĕнпур ĕçченĕсене, ялти корреспондентсене!

Сире район хаçачĕ тухма пуçланăранпа 85 çул тултарнă ятпа ăшшăн саламлатпăр.

Эсир, чăннипех те, чаплă професси çыннисем, çивĕч ыйтусене яланах туйса-курса тăратăр. Çирĕп тĕллевлĕхпе хастарлăх, пысăк шайри ăсталăхпа тарăн ăс _ сирĕн паха енсем. Хăвăрăн пултарулăхăра тата тăрăшулăхăра пула малашлăха курма пултаратăр, пурне те кăсăклантаракан темăсене тĕплĕн çутататăр, кăткăс ыйтусен тупсăмĕсене уçса пама пĕлетĕр.

Сире хăвăрăн ĕçĕре чунтан парăннăшăн, нумай-нумай çынна савăнăç кÿме пĕлнĕшĕн тав тăватпăр. Пултарулăх ĕçĕнче пĕр вĕçĕмсĕр çĕннине шырама, кăсăклă, халăх кăмăлне каймалла хаçат калăплама хастарлăхăр иксĕлми пултăр. Ăнăçу, ырлăх-сывлăх, пархатарлă кун-çул сире пурне те!

И.ВАСИЛЬЕВА,

Елчĕк район пуçлăхĕ.

Н.МИЛЛИН,

Елчĕк район администрацийĕн пуçлăхĕ.