12:00 28 марта 2015 г.
Çамрăк вулакансем ! 2015 –мěш çулта Аслă Çěнтерÿ 70 çул çитнě май сире Г.А. Матвеева çырнă «Чăваш» ятлă кěнеки тăрăх хатěрленě викторинăна хутшăнма чěнетпěр. Викторина питě кăсăклă, сирěншěн усăллă пуласса шансах тăратпăр.
Вăрçă теми паянхи çыравçăсене те хумхантарать. Хайлавра хаяр вăрçă хирě витěр тухнă чăваш хěрарăмěн асаилěвěсене çырса кăтартнă. Вăрçă хыççăнхи йывăр пурнăçа та автăр тěплěн çутатса панă.
Викторина хуравěсене ака уйăхěн 30 –мěшěччен Элěкри тěп библиотекăна çак адреспа çитерсе пама пултаратăр :
429250, Аликовский район, с. Аликово, ул. Советская , дом 13, МБУК «Централизованная библиотечная система» , e-mail– alik_bib@cbx.ru
- Тěп герой Тăван çěршывăн аслă вăрçи пуçланиччен кам пулса ěçленě? Вăл мěн ятлă?
- Вěсем çемьипе ăçта пурăннă?
- Тěп геройăн мăшăрě тата ачи мěн ятлă?
- Автор хайлавра Тăван çěршывăн малтанхи вăрçă кунěсене мěнле сăнласа панă?
- Тěп герой тыткăнран тарсан ăçта пырса лекет?
- Вăл хăш çěршыв территорийěнче партизан отрячě йěркелет?
- Партизансем хăйсен командирне мěнле ятпа пěлнě?
- Кам вăл Микола Адамюк тěп геройшăн?
- Фронт урлă каçнă тěп герой мăшăрě Канаш хулине çитсен тупа тунă сăмахěсем.
- Мěнле тěрěслев витěр тухма тивет партизансен командирěн мăшăрне тăван киле çитсессěн?
- Тěп герой мăшăрěшěн тěлěкěнчи миша юпи çинче çунакан çурта мěне пěлтерет?
- Ăçта тата хăш çапăçура пуçне хурать командир?
- Миçе çултан хыпарсăр çухалнă партизансен командирě кам пулнине тупса палăртнă?
- Тěп геройăн çуралса ÿснě тăван ялě мěн ятлă ?
- Автор поэмăна мěнле сăмахсемпе вěçлет?
- Çак хайлава вуласа тухнă хыççăн мěнле туйамсем çуралчěç?
Викторинăна 12 çултан пуçласа 17 çула çитнě çамрăксем хутшăнма пултараççě. Пěтěмлетÿ çу уйăхěн 7- мěшěнче пулать.
Элěкри тěп библиотекăн администрацийě.
Муниципальное бюджетное учреждение культуры «Централизованная библиотечная система» Аликовского района Чувашской Республики