«Комбайн» ял хуҫалӑх производство кооперативӗн председательне Гурий Иванович Федорова.

Хуҫалӑх производствинче вӑй хуракан ӗҫченсене, тивӗҫлӗ канури ватӑсене.

Йывӑр вӑхӑтра – ҫӗр-шыври аркану тапхӑрӗнче пӗр чӑмӑра пӗрлешсе пӗр тӗллевпе ҫирӗп утӑмсемпе малалла ӑнтӑлни эсир пӗрлешӳллӗ хуҫалӑх вӑйне ӗненнине, унӑн пуласлӑхне шаннине яр уҫҫӑн кӑтартса пачӗ.

Ҫак тапхӑрта эсир нумай йывӑрлӑха ҫӗнтерме пултартӑр. Ҫӗр ӗҫ культурисем, аш-какай, сӗт туса илесси, ӗҫ тухӑҫлӑхӗ тата пӗрлешӳллӗ хуҫалӑхра тӑрӑшакансен пурнӑҫ шайӗ темиҫе хут ӳсрӗ. Ҫаксем ях хуҫалӑх кооперативӗн ертӳҫисем, специалистсем хӑйсен тивӗҫне тӗплӗн пурнӑҫласа пыни, ял халӑхӗн пултарулӑхӗпе ӗҫченлӗхӗ ҫинчен калаҫҫӗ.

Ял хуҫалӑх предприятине йӗркеленӗренпе 20 ҫул ҫитнӗ ятпа сире хӗлӳллӗн саламлатпӑр, малашнехи ӗҫре ӑнӑҫусем сунатпӑр.

Р.Н. Молодова, район пуҫлӑхӗ.

Н.П. Миллин, район администрацийӗн пуҫлӑхӗ.