Строительство отраслĕн хисеплĕ ĕçченĕсем тата ветеранĕсем!

Сире чĕререн професси уявĕпе– Строительсен кунĕ ячĕпе саламлатпăр!

Строитель ĕçĕ –хисеплĕ те кашнийĕншĕн пĕлтерĕшлĕ професси.Мĕншĕн тесен сирĕн аллăрпа пурнăçланă ĕç çынсене телейлĕрех тăвать,вĕсен пурнăç шайне ÿстерет.

Пирĕн район сăн-сăпачĕ çулсерен илемленсе, лайăх енне улшăнса пырать. Çĕнĕ çуртсем çĕкленеççĕ, тĕрлĕ юсав ĕçĕсем пурнăçланаççĕ, район халăхне кирлĕ объектсем алăкĕсене уçаççĕ. Кану вырăнĕсене тирпей-илем кĕртессинче те строительсен тÿпи сахал мар.

Ĕçе юратни, тивĕçе тÿрĕ кăмăлпа пурнăçласа пыни,яваплăха туйса ĕçлени малашне те палăртнă задачăсене ăнăçлăн пурнăçласа пыма май парĕç.

 Уяв ячĕпе саламласа сире çирĕп сывлăх, тулли телей, ăнăçу, çĕнĕ çитĕнÿсем сунатпăр.

                    Елчĕк район пуçлăхĕ                              П.А.Скворцов.

 Елчĕк район администрацийĕн пуçлăхĕ       Н.П.Миллин.