Ҫамрӑк туссем!

Ҫамрӑклӑх – пурнӑҫри чи телейлӗ те савӑк, ҫӗнӗлӗхсем тума, хамӑр пултарулӑха туллин уҫма хавхалантаракан, чунра таса кӑмӑл-туйӑм тапса тӑракан ытарайми вӑхӑт. Унпа пӗрлех вӑл яваплӑ тапхӑр та, мӗншӗн тесен малашнехи кун-ҫулпа пулас ҫитӗнӳсен никӗсӗ шӑпах ҫавӑн чухне йӗркеленет.

Чӑваш Республикинче ҫамрӑксене тӗрлӗ енлӗн аталантармалли ҫирӗп ресурс базине туса хунӑ. Регионта ку чухнехи вӗренӳ тытӑмне йӗркеленӗ, хушма пӗлӳ паракан учрежденисен анлӑ сечӗпе лайӑх аталаннӑ спорт инфратытӑмӗ ӑнӑҫлӑ ӗҫлеҫҫӗ, ҫамрӑксен пӗрлешӗвӗсене пулӑшса тӑратпӑр.

Чӑваш Ен Правительствин паянхи чи пӗлтерӗшлӗ тӗллевӗсенчен пӗри – яш-кӗрӗме пултаруллӑ ӗҫ-хӗле, общество пурнӑҫне хастарлӑн явӑҫтарасси, ҫамрӑксене ырӑ йӑла-йӗрке витӗмӗпе тӑван ҫӗре юратма, тӳсӗмлӗ те ырӑ кӑмӑллӑ пулма, аслисене хисеплеме вӗрентсе пӑхса ҫитӗнтересси.

Ҫамрӑксен пӗрлешӗвӗсене социаллӑ проектсемпе пуҫарусене пурнӑҫа кӗртме укҫа-тенкӗ уйӑрса пулӑшатпӑр. Тӗрлӗ ӗҫре тӑрӑшакан пултаруллӑ специалистсене хавхалантарас шутпа Чӑваш Республикин Ҫамрӑксен патшалӑх премийӗсене паратпӑр. Юлашки виҫӗ ҫулта вӗсен шучӗ икӗ хут ӳсрӗ, лауреатсене тивӗҫекен тӳлев виҫи те самаях пысӑкланчӗ. Пултарулӑхри ӑнтӑлушӑн кашни ҫулах пӗр пин каччӑпа хӗре Чӑваш Республикин Пуҫлӑхӗн стипендийӗсене тӳлесе хавхалантаратпӑр.

Хаклӑ туссем! Маттур та хастар пулӑр! Хӑвӑра аталантармалли мӗнпур майпа усӑ курӑр, умӑра пысӑк тӗллевсем лартма тата вӗсене пурнӑҫлама тӑрӑшӑр! Ыранхи лайӑх пурнӑҫ эсир паян мӗнлерех вӑй хунинчен килет. Ӑспа пуянланӑр, хӑвӑр пултарулӑхӑра тӑтӑшах аталантарса пырӑр, хуть те мӗнле ҫитӗнӳ никӗсне те ырми-канми ӗҫ, тӑрӑшулӑх, ҫирӗппӗн малалла талпӑнни йӗркеленине яланах асра тытӑр.

Раҫҫейпе пирӗн юратнӑ тӑван Чӑваш Енӗн аслӑ малашлӑхӗ сирӗн аллӑрта!

Сире пӗтӗм ырӑ пуҫарура ӑнӑҫу тата ҫитӗнӳсем сунатӑп!

Чӑваш Республикин Пуҫлӑхӗ                                      М. Игнатьев

Юные друзья!

Молодость — золотое время, время открытий, ярких эмоций, самопознания. Вместе с тем это ответственный период, когда закладывается основа для дальнейшей жизни, будущих достижений.

Чувашская Республика обладает прочной ресурсной базой для всестороннего развития молодежи. В регионе создана современная образовательная система, сформирована разветвленная сеть учреждений дополнительного образования, имеется развитая спортивная инфраструктура, поддерживаются молодежные объединения.

Сегодня одна из важнейших задач Правительства Чувашии  — шире привлекать молодежь к созидательной деятельности, участию в общественной жизни, воспитывать молодых людей на основе традиций, в духе патриотизма, толерантности, уважения к старшим.

Оказывается финансовая поддержка молодежным объединениям для реализации социальных проектов и инициатив. С целью поощрения талантливых специалистов в различных сферах деятельности присуждаются Государственные молодежные премии Чувашской Республики. За последние три года их  число выросло в два раза, значительно увеличен размер выплат лауреатам. Ежегодно тысяча  юношей  и  девушек удостаиваются стипендии Главы Чувашской Республики за особую творческую устремленность.

Дорогие друзья! Стремитесь быть лучшими! Используйте все возможности для саморазвития, ставьте перед собой амбициозные цели и достигайте их! Благополучное завтра зависит от ваших усилий сегодня. Учитесь, неустанно развивайте свои способности, ведь в основе любого успеха — труд, упорство, неустанное движение вперед.

Великое будущее России и нашей любимой Чувашии в ваших руках!

Удачи и успехов вам во всех созидательных начинаниях!

Глава Чувашской Республики                                    М. Игнатьев