00:00 28 декабря 2010 г.
Хаклă ентешсем!
Сисĕнмерĕ те, акă, 2010 çул хыçа юлчĕ. Çăмăлах пулмарĕ вăл. Апла пулин те пĕр-пĕрне ăнланса ĕçленĕрен, кашни хăйĕн ĕç вырăнĕнче чун-чĕре хушнă пек тăрăшнăран аталану çулĕпе малалла кайма пултартăмăр. Чун-чĕререн тав тăватăп сире çакăншăн.
Çĕнĕ 2011 çулта та пирĕн ĕмĕт-тĕллевсем пĕчĕк мар. Вĕсене пурнăçа кĕртес тесе сирĕнтен кашниех хăвăртан килнине тăвасса эпĕ шансах тăратăп. Малашне те хамăр пурнăçа лайăхлатассишĕн пĕрле пĕр тĕллевлĕн ĕçлесчĕ.
Пурне те сире çĕнĕ 2011 çул тата çывхарса килекен Христос çуралнă кун ячĕпе саламлатăп.. Çемйĕрсенче яланах килĕшÿпе тулли пурнăç хуçалантăр. Ĕçĕр ăнсах пытăр. Сывлăхăр çирĕп, кунçулăр вăрăм пултăр. Телей çути сирĕн тĕлте яланах йăл-йăл çиçтĕр. Ачăрсен пурнăç çулĕ уçăлсах пытăр. Турри инкек-синкеке сирсе пытăр. Ĕмĕтленнĕ ĕмĕтĕрсем çитсе пыччăр.
Район администрацийĕн пуçлăхĕ Ю.А. Иванов.