13:42 29 сентября 2016 г.
Хисеплĕ вăрçă тата ĕç ветеранĕсем, пенсионерсем!
Ватă çынсен кунĕ ячĕпе чунтан тухакан салам сăмахĕсене йышăнса илсемĕр!
Çак уяв вăл ăрусен, вăхăтăн пĕрлĕхне тата çыхăнăвне кăтартса парать.
Ĕмĕр тăршшĕпе эсир тÿрĕ кăмăлпа вăй хунă, районăн, республикăн экономикипе социаллă пурнăçне аталантарма хăвăрăн тÿпене хывнă. Паянхи кун - эпир сире юратни, сире хăвăрăн ĕçĕршĕн, чăтăмлăхăршăн тата тÿсĕмлĕхĕршĕн яланах тав туни пирки аса илтермелли вăхăт. Эсир вăрçă çулĕсене те чыслăн чăтса ирттернĕ, мирлĕ вăхăтра та çине тăрса тата чун хушнипе тăрăшнă. Эсирех хальхи нумай ырă йăла-йĕркесен пуçаруçисем пулса тăратăр, халĕ та ăс-хакăл культурин тата нравственноç хаклăлăхĕсене саратăр, шанса панă ĕçшĕн яваплăха туяссин, çывăх çыннăрсемшĕн тата общество пурнăçĕшĕн тăрăшассин тĕслĕхĕ пулса тăратăр.
Ветерансене пурăнма тивĕçлĕ условисем туса парассипе район администрацийĕ тĕллевлĕ ĕçлесе пырать. Юлашки çулсенче Аслă Отечественнăй вăрçă ветеранĕсем 259 çын хăйсен пурăнмалли çурт-йĕр условийĕсене лайăхлатрĕ, ĕç стажне кура çынсене «Чăваш Республикин ĕç ветеранĕ» ята парасси малалла пырать, аслă ÿсĕмри çынсем тĕрлĕ йышши социаллă пулăшу мелĕсене тивĕçеççĕ.
Эсир пире тĕрĕс çул кăтартса пыратăр, пирĕншĕн тĕслĕх пулса тăратăр, кирек епле лару-тăрура та ăслă канашпа пулăшатăр.
Сире çирĕп сывлăх, ăнăçу, телей сунатпăр! Яланах сирĕнпе юнашар сире юратакан тата сирĕншĕн тăрăшакан ачăрсем, мăнукăрсем, юлатăшрсем пулччăр. Нумай çул телей курса пурăнмалла пултăр!
Муркаш район пуçлăхĕ И.В. Николаев
Район администрацийĕн пуçлăхĕ Р.Н. Тимофеев
Моргаушский район Чувашской Республики