00:00 14 марта 2013 г.
Фоторепортаж
Орининти вăтам шкулта вĕренекенсем Çăварни уявне ирттерчĕç. Урамра сивè çанталáк тáрать пулин те, шкул ачисемпе вĕрентекенсем, ашшĕ-амăшĕсем уроксем вèçленсен шкул картишне пуçтарăнчĕç. Cавăнăçлă уява шкулти чáваш чèлхи урокèсене вèрентекен Н.С. Блинова йĕркелесе ертсе пычĕ.
Ачасем хăйсен ашшĕ-амăшĕсемпе пĕрле кукăль-пўремеч, çуллă çатма икерчи пèçерсе хатĕрленĕ, вĕсен тутлă шăрши сăмсана кăтăклать. Кунтах сăмаварсенче чей пăсланать. Ачасем савăнсах пĕр-пĕрне кăна мар, хăнасене те хăналаççĕ.
Уяв питĕ хаваслă та интереслĕ иртрĕ. Малтанах 8 класра вèренекенсем Çăварни юррипе саламларèç пухáннисене.
Çăварни çуни çèн çуна!
Çăварни çуни çèн çуна!
Лара пèлмен хèрсене
Шуçтарать те ўкерет, — янăрарĕ шкул картишĕ.
Кашни класс хáйèн пултарулáхèпе савáнтарма тáрáшрè куракансене.
Ун хыççăн вăйăсем пуçланчĕç. Мĕнле кăна вăйă-кулă шутласа тупман-ши уява ертсе пыракансем! Çăварни çуни капăрлатасси, чи тулăх сĕтел хатĕрлесси, ушкăнсемпе ăмартасси, вĕрен туртасси, тупмалли юмахсем çине хуравсем шырасси тата ытти тĕрлĕ вăйă — вĕсенче ачасем хаваспах хутшăнчеç.
Епле-ха тата çáварни уявèнче илемлетнè лашасемпе катаччи чупмасан? Уяв уяв пек пултáр тесе Чамáш ялèнче пурáнакан Рязанов Г. В. илемлè хáюсемпе капáрлатнá юланучèпе ачасене ярáнтарма килсе çитрè. Ачасемшèн, паллах, ку пысáк парне пулчè.
Уяв вара, яланхи пекех, улăм катемпине чĕртсе çунтарнипе вĕçленчĕ. Авалхи йăлапа чир-чĕртен сывалма çунакан «Çăварни карчăкĕ» йĕри-тавра кашниех виçĕ хутчен чупса çаврăнма тăрашрĕ. Пĕтĕм усал-тĕсел, чир-чĕр, хаяр хĕл кая юлтăр! - тесе, Çăварни Карчăкки кĕлленсе пынине сăнарĕç уява хутшáнакансем.
Çакăн пек уявсем ашшĕ-амăшĕсемпе ачисене тата вĕрентекенсемпе администраци хушшинчи çыхăнăва çирĕплетет. Чунра ырá туйáм, савáк кáмáл çуратать. Уяв ячĕпе сире, тăвансем!