15:01 15 декабря 2016 г.
И.Я. Яковлев ячĕллĕ Чăваш патшалăх педагогика университечĕн чăваш чĕлхипе литератури кафедри Чăваш Республикинчи Ĕç çыннин çулталăкне халалланă «Чăваш чĕлхипе литератури. Уçă урок тата класс тулашĕнчи чи лайăх ĕç» республика шайĕнчи конкурсăн виççĕмĕш тапхăрне пĕтĕмлетрĕ. Конкурса республикăра тата республика тулашĕнче чăваш чĕлхипе литературине, тăван ен культурине шкулта вĕрентекенсем хастар хутшăнчĕç.
Çĕнтерÿçĕсен йышĕнче И.Н.Никифоров ячĕллĕ Вăрнарти петĕмĕшле пĕлÿ паракан пĕрремĕш вăтам шкул ĕçченĕсем те пур.
«5-7 классенчи чăваш чĕлхипе литератури урокĕ, класс тулашĕнчи мероприяти (вырăс шкулĕ)» номинацире чăваш чĕлхипе литературине вĕрентекен Егорова Инна Михайловна пĕрремĕш вырăн йышăнчĕ. «8-9 классенчи чăваш чĕлхипе литератури урокĕ, класс тулашĕнчи мероприяти (вырăс шкулĕ)» номинацире чăваш чĕлхипе литературине вĕрентекен Кириллова Надежда Витальевна - виççĕмĕш.
Çĕнтерÿçĕсене чун-чĕререн саламлатпĕр, малашне те çитĕнÿсем сунатпăр.
Вурнарский МО Чувашской Республики