11:01 24 февраля 2015 г.
Çǎварни уявě - чǎвашсен ěлěкренпех пыракан уявě шутланать. Çак вǎхǎтра хěллепе çуркунне тěл пулаççě, тавлашаççě, вǎй виçеççě. Çǎварни тени, тепěр майлǎ, «çу эрни», «хěле ǎсатни, çуркуннене кěтни» пулать. Çǎварни тухса кайнǎ кун, вырсарни кун, пěр-пěринчен каçару ыйтнǎ, катемпи тавра юрланǎ, ташланǎ, тěрлě вǎйǎсем ирттернě. Çапла вара, хаваслǎн хěле ǎсатса ярса, çуркуннене кěтсе илнě.
Çак уява хаваслǎн ирттересси Çавалкассен йǎли-йěркинче çирěпленсех пырать. Иртнě вырсарни кун, пěтěм ял-йыш пуçтарǎнса, хаваслǎн ирттерчěç çак уява. Ялти кашни организацин ěçченěсем хǎй команда пулса тěрлě ǎмǎртусенче тупǎшрěç. Ал ěçěсен конкурсě, апат хатěрлесе тухасси, кашни командǎн юрри-ташши, такмакěсем пурин кǎмǎлне те çěклерěç. Нимěнле ǎмǎрту та çěнтерÿçěсěр пулмасть. Çапла вара, Карл Маркс кооператив ěçченěсен команди пуринчен те маттуртарах пулнипе пěрремěш вырǎн йышǎнчě. Чǎнах та, «чǎваш пикисем» пекех курǎнчěç вěсем чǎваш тумěсемпе çак уявра.
Юлашкинчен, уява ертсе пыраканě Юлия Михайлова килес çул та тыр-пул тулǎх пултǎр тесе, СХПК кооператив ертÿçине Валерий Шумилова алпа ǎсталаса тунǎ «çǎкǎр вǎчǎри» çакса ячě.
Çак савǎнǎçлǎ уяв катемпи çунтарнипе вǎçленчě. Пуçтарǎннисем юрласа-ташласа, пěр-пěрне сывлǎх сунса хěл сиввисене ǎсатрěç. Пěр сǎмахпа, кǎçалхи уяв пурне те килěшрě.
Сявалкасинский территориальный отдел Вурнарского муниципального округа