Батыревский район Чувашской РеспубликиОФИЦИАЛЬНЫЙ САЙТ
Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Новости » Çĕр улми уйĕ пушанать

13:25 08 сентября 2017 г.

"Батыревский" пĕрлешỹре техника шавĕ çĕр улми хирне те куçнă. Районта "иккĕмĕш çăкăра" чи пысăк лаптăкра шăпах кунта çитĕнтереççĕ _ 281 гектар. Ăна кăларма виçĕ комбайн хутшăнать. Вĕсемпе В. Раков, А. Лялин, Н. Алимов механизаторсем ĕçлеççĕ. Ĕнерхи кун тĕлне 50 гектара яхăн пушаннă. Тухăç пĕр гектартан 287 центнерпа танлашать. Тымар çимĕçе сортировка туса управа хураççĕ, Самарăна та ăсатаççĕ.

_ Кăçал тухăç тата пысăкрах пуласса шаннăччĕ. Çĕр улми лаптăкне удобрени, чир-чĕртен фунгицид, çум курăкран гербицид сапнăччĕ. Çанталăк çулла çумăрлă тăнăран хăш-пĕр вырăнта нỹр ытларах пулнипе тымар çимĕç кăшт сахалтарах тухать. Йышĕ пур вара, _ тет П. Ялуков ертỹçĕ.

Хуçалăхра кĕрхисене те акма тухнă. Вĕсене хура пусă вырăнне никĕсе хываççĕ. Планпа килĕшỹллĕн 276 гектар йышăнмалла, хальлĕхе 50 гектарта ĕçе вĕçленĕ. Маларах тăпрана хывăннă тырă вăрлăхĕ шăтса тухма та ĕлкĕрнĕ, çавна май таçтанах сип-симĕс курăнаççĕ.

Пĕрлешỹре яваплă тапхăра кĕске вăхăтра тата сахал тăкакпа вĕçлесси техникăран нумай килнине яланах тĕпе хураççĕ, çавăнпах парка та çĕнетсе тăраççĕ. Август уйăхĕнче çеç ХТЗ маркăллă трактор туяннă. Çавăн пекех ĕне-выльăх йышне ỹстернĕ май хуçалăх куккурус та çитĕнтерме тытăнчĕ. Çак культурăна пухса кĕртме тата пахалăхлă апат хатĕрлеме "Росагролизинг" пĕрлешỹпе килĕшỹ туса çĕнĕ "Палесье" комбайн илсе килнĕ. "Карапа" Г. Ялуков тата Н. Викторов механизаторсене шанса панă.

АУ «Редакция Батыревской районной газеты «Авангард» Мининформполитики Чувашии

Мой МирFacebookВКонтактеTwitterLiveJournalОдноклассники
Система управления контентом
429350, с.Батырево, пр.Ленина, д.5
Телефон: 8(83532) 61-3-15
Факс: 8(83532) 61-2-15
E-Mail: batyr@cap.ru
TopList Сводная статистика портала Яндекс.Метрика