Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Новости » Стажировка усăллă иртрĕ

11:34 17 марта 2017 г.

2017 çулхи пуш уйăхĕн 16-мĕшĕнче Элĕк районĕн Чăваш Сурăм вăтам шкулĕнче «Федерацин патшалăх вĕренÿ стандартне куçнă май чăваш чĕлхипе литературине хальхи технологисемпе усă курса вĕрентесси» стажировка иртрĕ.

Стажировкăна Чăваш Республикин вĕренÿ институчĕн филологи кафедри йĕркелерĕ. Çăкăр-тăварпа, юрă-сăвăпа кĕтсе илнĕ хыççăн пĕлĕве ÿстерме пуçтарăннă чăваш чĕлхипе литератури вĕрентекенĕсене шкул директорĕ Зоя Федоровна Васильева саламларĕ, шкул ĕçĕ-хĕлĕпе паллаштарчĕ.

Унтан М.А. Никитина 5 класра «Алфавит», Г.И. Иванова 6-мĕш класра «Япала ячĕсем» темăсемпе уçă уроксем, З.И. Леонтьева «"Синонимсем" темăна вĕрентнĕ май çĕнĕ технологисемпе усă курасси», Э.Н. Терентьева «"Ыйту местоименийĕсем" темăна вĕрентнĕ май хутшăну ĕç-хĕлне аталантармалли çул-йĕр», В.П. Нестерова «Ю. Скворцовăн "Ултăк" калавĕнчи çын чун-чĕрине уçмалли мелсем» темăсемпе ăста урокĕсем ирттерчĕç.

Уроксем хыççăн Вĕренÿ институчĕн филологи кафедрин доценчĕ А.С. Егорова ертсе пынипе иртнĕ калаçура уроксем ирттернĕ учительсен паха опытне пĕтĕмлетрĕç, чăваш чĕлхипе литературине вĕрентме Федерацин патшалăх вĕренÿ стандартне тивĕçтерекен хальхи технологисемпе мелсене палăртрĕç.

Пĕлÿлĕхпе ăсталăха ÿстермелли стажировка пуриншĕн те усăллă иртрĕ.

Аликовский район Чувашской Республики

Первоисточник: БУ ЧР ДПО "Чувашский республиканский институт образования" Минобразования Чувашии

Мой МирFacebookВКонтактеTwitterLiveJournalОдноклассники
Информационное наполнение сайта:
сектор информационного обеспечения тел. 8(83535) 22-9-70 отправить письмо по e-mail alikov@cap.ru

Яндекс.Метрика
Система управления контентом
429250, Чувашская Республика, с.Аликово, ул.Октябрьская, д.21
Телефон: 8(83535) 22-3-15
TopList Сводная статистика портала Яндекс.Метрика