14:45 20 апреля 2015 г.
Ака уйăхĕн 17-мĕшĕнче «Туслăх хĕлхемĕ» фестивалĕн республика тапхăрĕ иртрĕ. Фестиваль программинче чăваш тата вырăс шкулĕнче вĕренекенсем валли чăваш чĕлхипе тата культурипе ирттерекен «Çăлтăрчăк» вăйă конкурс тата «Шевле-2015» ÿнер ăсталăхĕн конкурсĕ пулчĕ. Наци фестивалне хутшăнакансен йышĕ çулсерен ӳссех пырать, район тапхăрĕнче çĕнтернĕ 50 ача икĕ номинацире хăйсен пултарулăхне кăтартрĕç. «Çăлтăрчăк» вăйă конкурса хутшăнакансем пилĕк станци витĕр тухрĕç. Фестиваль вĕçĕнче ачасен пултарулăх тупăшăвĕ, юрă юрлани, ташă ташлани, харпăр хăй сăввисене вулани пулчĕ. «Туслăх хĕлхемĕ» фестивалĕн республика тапхăрĕн çĕнтерÿçисене жюри палăртрĕ.
Чăваш шкулĕн программипе ĕçлекен шкулсем хушшинче 3-мĕш вырăна Тăвай районĕн Тăрмăш вăтам шкулĕн вĕренекенĕ Андреева Н.А. тухрĕ. Конкурса хутшанма ана чăваш чĕлхипе литературине вĕрентекен Зинаида Григорьева хатĕрленĕ.
Вĕренÿ институчĕн проректорĕ А. Р. Кульева фестивале хутшăннă ачасене тата вĕсен вĕрентекенĕсене тав сăмахĕ каларĕ. «Туслăх хĕлхемĕ» фестиваль пуриншĕн те чăннипех уяв пулчĕ.
Отдел образования администрации Янтиковского муниципального округа Чувашской Республики