00:00 05 октября 2011 г.
Хаклă ентешĕмĕрсем!
Сире Вĕрентекен кунĕ ячĕпе пĕтĕм чунтан саламлатăп!
Кĕркуннехи çак çутă та савăк кун эпир пурте юратакан пĕтĕм халăх уявне — Вĕрентекен кунне паллă тăватпăр! Педагог, воспитатель, вĕрентекен профессийĕ яланах чи пархатарли те хисепли шутланнă, шутланать те. Пиртен кашниех хамăра шухăшлама, пурнăçра ырăпа усала уйăрма, йывăрлăхсене çĕнтерме, хамăра тата хамăр вăя шанма вĕрентнĕ хастар та пултаруллă çынсен сăнарĕсене чун-чĕринче сыхласа упрать.
Паянхи вĕрентекенĕн тарăн пĕлÿллĕ, вĕрентÿ ĕçĕнчи чи çĕнĕ хатĕрсемпе тата методикăпа усă курма пĕлекен ăстаçă пулмалла, унпа пĕрлех вăл обществăра пулса иртекен улшăнусене шута илсе вăхăтпа тан утма тивĕçлĕ. Чăваш Енре унашкаллисем сахал мар. Вĕренекенĕсем Пĕтĕм Раççейри тата тĕнчери олимпиадăсенче, конкурссенче тата викторинăсенче парнеллĕ вырăнсене çĕнсе илекен республикăри вĕрентекенсен çитĕнĕвĕсем савăнтараççĕ. Çакă ĕçченлĕхĕн, професси ăсталăхĕн тата суйласа илнĕ ĕçе чунтан парăннин ырă тĕслĕхĕ.
Эпир вĕрентекенсене тата вĕренекенсене пулăшас тĕлĕшпе хамăртан килнине пурне те тума тăрăшатпăр. Республикăра çĕнĕ шкулсемпе ача сачĕсем çĕкленеççĕ, киввисем тĕпрен çĕнелсе улшăнаççĕ, вĕсен пурлăхпа техника никĕсĕ пуянланать, методикăпа тивĕçтерес ĕç лайăхланать. Чи лайăх вĕренекенсем республика Президенчĕн стипендийĕсене илсе тăраççĕ, чи пултаруллă вĕрентекенсем вара — грантсем. Кăçал педагогсем тата шкулчченхи вĕренÿ учрежденийĕсенче ĕçлекен воспитательсем хăйсен ĕç укçийĕ чăннипех ÿснине туйса илчĕç. Эпир вĕрентекен профессийĕн сумне тивĕçлĕ шайра тытма малалла та пулăшса пырăпăр.
Пĕлÿ тытăмĕн ветеранĕсене — уйрăм тав сăмахĕ. Пархатарлă ĕçĕрте пухнă пуян опыт, тарăн ăсăр тата ĕç çине творчествăлла пăхни — эсир педагогсен çамрăк ăрăвне парса хăваракан чăн-чăн пуянлăх.
Хаклă вĕрентекенсем! Эпĕ сире чун ăшшипе професси ăсталăхĕшĕн, хăвăр суйласа илнĕ ĕçе тата ачасене чунтан юратнăшăн, иксĕлми вăй-халăршăн тата тĕнчене лайăхрах тума тăрăшнăшăн чун-чĕререн тав тăватăп. Ырлăх, пархатарлă ĕçĕре тивĕçлипе хаклама пĕлекен вĕренекенсем тата çитĕнекен ăрăва воспитани парас ĕçре ăнăçусем сунатăп!
Чăваш Республикин
Президенчĕ М.Игнатьев
Дорогие соотечественники!
От души поздравляю вас с Днем учителя!
Ярким и светлым осенним днем мы встречаем всенародный и всеми любимый праздник — День учителя! Профессия педагога, воспитателя, наставника всегда была и остается одной из самых благородных и почетных. Каждый из нас хранит в сердце память о тех, кто учил нас думать, отличать добро от зла, не сдаваться перед трудностями, верить в себя и свои силы.
Современный учитель должен не только обладать глубокими знаниями, владеть новейшими средствами и методиками обучения, но и осознавать глубокие перемены в обществе, идти в ногу со временем. В Чувашии таких большинство. Радуют успехи педагогов республики, ученики которых занимают призовые места на всероссийских и международных олимпиадах, конкурсах и викторинах. Это результат трудолюбия, профессионализма и преданности выбранному делу.
Мы со своей стороны делаем все возможное, чтобы поддержать учителей и учеников. В республике строятся новые школы и детские сады, реконструируются старые, обновляется их материально-техническая база, улучшается методическое обеспечение. Лучшие ученики получают стипендии Президента республики, а лучшие учителя и школы — гранты. В этом году учителя и воспитатели детских дошкольных образовательных учреждений не на словах, а на деле почувствовали повышение заработной платы. Мы и дальше будем делать все, чтобы поддержать престиж профессии педагога на должном уровне.
Особые слова благодарности - ветеранам системы образования. Ваши богатый опыт, мудрость и творческий подход к работе - настоящий клад, который вы передаете молодому поколению педагогов.
Дорогие наши учителя! Я искренне признателен вам за душевную теплоту и профессионализм, преданность профессии и детям, неиссякаемую энергию и стремление сделать мир лучше. Желаю добра, счастья, благодарных учеников и успехов в воспитании подрастающего поколения!
С праздником!
Президент
Чувашской Республики М.Игнатьев