11:36 17 августа 2014 г.
Пысăк Енккасси ял вулавăшĕнче ентешсем, Александр Янташ тата Мирон Еник çыравçăсем, çуралнăранпа 100 çул çитнине халалласа «Манăçми çыравçă ентешсем» асаилÿ каçĕ пулса иртрĕ. Вулавăшра ятарласа «Тăван енĕн паллă çыннисем» тавра пĕлÿ кĕтесĕ йĕркеленĕ. Сумлă çынсене асран кăларас мар тесе вулакансене çыравçăсен кун-çулĕпе, пултарулăхĕпе, хайлавĕсемпе паллаштарнă. Аслă ăрури çынсем А.Янташа тата Мирон Енике ырă сăмахсемпе аса илчĕç. Александр Янташăн тăван йăмăкĕ, Валентина Никифоровна, пиччĕшĕн пурнăçĕ çинчен каласа пачĕ.
Культура çурчĕ çумĕнчи тавра пĕлÿ кĕтесĕнче те вĕсен пурнăçĕпе пултарулăхĕ пирки пуян стенд хатĕрленĕ.
Большеяниковский территориальный отдел Урмарского муниципального округа