15:45 08 июля 2013 г.
2013 ҫулхи утă уйăхĕн 6 –мĕшĕнче Ярмушка ял тăрахĕнче ял поселенийĕн уявĕ пулчĕ. Тĕплĕн хатĕрленчĕҫ Ярмушкасем уява. Лупамри курăка ҫулса пуҫтарчĕҫ, хăрнă йывăҫсене касрĕҫ, ҫўп-ҫапсене пуҫтарса тирпейлерĕҫ. Ял ҫумĕнчи лапамра артистсене кĕтсе сцена, куракансене ларма саксем ăсталарĕҫ. Спорт вăййисене ирттеме ятарлă вырăнсем хатĕр. Тĕрлĕ тĕслĕ вĕлкĕшекен ялавсем, илемлĕ сăн ўкерчĕксем, ал ĕҫ куравĕсем, тавралăха сăнланă ўкерчĕксемпе сăвăланă хайлавсем пур те хăйсен тивĕҫлĕ вырăнĕсене тупрĕҫ.
Аякран килнĕ хăнасем, кўршĕ ялсенчен, ял-халăхĕ йышлă пуҫтарăнчĕ уява.
Ял уявне вырăнти администраци пуҫлăхĕ Алексей Петров уҫрĕ. Уявпа саламласа район администрацин пуҫлăхĕ Леонид Николаев ăшă сăмахсем каларе. Ҫавăн пекех уява хутшăнакансем ырă- ăша сăмахсем каларĕҫ.
Ермошкинский территориальный отдел Вурнарского муниципального округа